Cariyos Pengalaman Pribadi

PENGALAMAN

Pengalaman :

yaiku prastawa ingkang sampun nate kedadosan

yaitu peristiwa yang sudah pernah terjadi.

ciri-ciri cariyos pengalaman :

1. basanipun prasaja lan cetha
2. tembung-tembungipun gampil dipunmangertosi
3. anggenipun cariyos dipunkatheni solah bawa lan pomatan mimik
4. obahipum salira lan pasuryan (rai) kedhah luwes
5. wirasa dipunjumbuhake kaliyan isinipun cariyos .(muntab,seneng,lucu,sedhih)

Ing ngisor iki salah sawijining cariyos pengalaman :

NGELINDUR

Dening : Astriyanti

Nalika iku aku iseh kelas 7 SMP ana ing SMP 3 pandak. nalika iku dina Setu tanggal 29 Juni 2013, aku lan kanca-kanca kelas 7 padha kemah ana ing bumi perkemahan Kabregan Piyungan. kemah iku katindakake telung dina 2 wengi.

Nalika iku aku salah sawijining anggota ing regu dahlia kelas 7B.  sakregu ku ana 6 anggotane  yaiku Aku, Ana, Risna, Santi, Rina lan Kartika. ing dina kapisan, kabeh padha jelajah wisata ana ing Candi Boko. wiwit bedug banjur aku lan kanca-kancaku numpak bis tumuju bumi perkemahan Kabregan. watara setengah jam bis banjur mandheg ana ing lor lapangan kabregan. Panase srengenge ora pathi dirasa amerga atine bungah bakal pethuk pengalaman anyar bab kemah. Sakwise milih panggon kang jumbuh, banjur aku sakregu ngadegake tenda komplit sak pagere. Gandheng kabeh tenda wis ngadeg kanti jejeg e, Dewan Penggalang utawa DP banjur ngumumake yen lomba masak gage arep diwiwiti.Kanthi modal tela kaspo lan gedhang kabeh regu miwiti lomba masak. Reguku masak pasrah tela lan pisang aroma, banjur diincipi rumangsaku rasane ya ora kalah enak dibanding jajanan restoran. Sakwise iku banjur padha adus lan nglakokake kegiatan liya.

Watara jam 8 bengi kabeh kelas 7 kang cacahe ana 108 banjur padha kumpul ing lapangan kanggo miwiti acara jerit malam. Jerit malam utawa jelajah alam iku bakal diadani ana ing Bukit Njonosutra, ora pathi adoh saka bumi perkemahan mung kebatesan kali. Ing jelajah malam iku saben regu kudu nggolekki lan ngliwati dalan kang ana tali warna putih supaya tekan ana ing pos 1,pos 2 lan pos 3. Bukit iku bentukke alas dadi tali warna putih iku di tangsangake ana wit-witan. Ndilalah reguku anggone mlaku ana ing urutan katelu saka mburi, tepate ana ing sakngarepe regu Anggrek. Ing ati anggone jelajah alam rasane seneng campu wedi, sak regu kang melu mung 5 amarga Ana lara. Medan kang kudu ditempuh lumayan abot, ngubengi bukit lan dalanne munggah medhun. Isih katambahan dalanne lunyu amarga kabarengan grimis. Akhire kanti "perjuangan" reguku bisa nemokake pos 1,2 lan pos 3. Watara jam 11 bengi, aku lan sak regu bisa tekan ing bumi perkemahan kanthi slamet. Ing awak rasane lungkrah lan sayah banget, mula aku lan kancaku gage "tarik selimut" lan "mendaki gunung kasur", eh salah maksud e “gunung klasa” amerga ora ana kasur, anane mung klasa kanggo lemek turu. Rung pathi suwe merem, Rina banjur nggugah aku, jarene aku nglindur. aku kisinan dhewe, paling amerga ning awak saking sayahhe nganti kegawa ing ngimpi. Watara tengah wengi, dumadakan kancaku,kartika banjur bengak-bengok.

"anggrekke keri, anggrekke isih ning mburi" ngono bengokke kartika, Kanca-kancaku padha gelagepen, banjur padha ngguyu kepingkel-pingkel, ora nyana kartika ya ngelindur padha kaya aku. Sakbanjure kedadeyan kang ora di nyana-nyana iku, kabeh banjur padha nerusake anggone turu. Watara jam telu esuk, aku banjur tangi. Kanca-kancaku liyane isih padha turu. Kancaku, Santi kang turu ana ing sakcedhakku banjur kukur-kukur awak sinambi merem, kaya kecokot semut sak awak, Santi kukur-kukur saka pucuk rambut tekan pucuk sikil. Ana rasa wedi ing ati, wedi yen Santi kenapa-napa.

“ ngopo sampeyan ki San?, dicokot lemut piye?” ngono pitakonku. Ora dinyana Santi malah muntab karo aku.

“embohlah, Aku mumet” wangsulanne Santi sero banget.

“ ana apa to San, kok malah nesu ki? Pitakon Ana kang melu tangi amerga bengokke Santi. Ealah jebule Santi ki ya padha ngelindur kaya aku lan Kartika. Sak tendha padha ngguyu kepingkel-pingkel. Duh alah sak tendha cah enem kok sing ngelindur separo dhewe.